МАШВАРАТИ КОРШИНОСОНИ НАҚЛИЁТИ РОҲИ ОҲАН

Душанбе,  28 май. (АМИТ «Ховар»,  Кристина  Эрлих). —  27  май  дар  шаҳри  Одесса машварати ғайринавбатии  коршиносони  муассисаҳои  роҳи оҳани   иштирокдори  созишномаи  тартибу таҳияи  сиёсати  таарруфаҳо  барои  соли  2011  ба охир расид. Дар  машварат  намояндагони  муассисаҳои  роҳи оҳани  Украина, Русия, Озарбойҷон,  Белорусия,  Арманистон,  Гурҷистон, Эстония, Қазоқистон,  Қирғизистон, Молдавия, Латвия, Тоҷикистон ва  Ӯзбекистон  ширкат  варзиданд. Аз  Тоҷикистон   дар  машварати  мазкур  сардори  шӯъбаи  бозоромӯзӣ,  таҳлил   ва  тартибу таҳияи  таарруфаҳои Муассисаи  роҳи оҳан  Сусанна  Хачатурова ва  сардори  корхонаи   воҳиди давлатии  «Желдорэкспедитция» Дилоро  Раҷабова  иштирок  доштанд. Дар  машварат  масъалаҳои гуногуни   ҳамкорӣ дар  соҳаи  нақлиёти роҳи оҳан,  тартиби  ҳисобу  китоби  таарруфаҳо  барои  ҳамлу  нақли  молу  мусофирон  ва  ғайра  мавриди баррасӣ  қарор  дода шуданд.