РОҲҲО ТАЪМИР МЕЁБАНД

Муъминобод, 12 май. (АМИТ «Ховар», Сулаймон  Холов). —  Дар ноҳияи  Мӯъминобод   дар  натиҷаи  боронгариҳои  пай  дар  пай  6  купруки  роҳҳои  автомобилгард  ва   пиёдагард  зарари  ҷиддӣ  диаанд, ки  айни  ҳол  барқароркунии   онҳо  аз  тарафи  муассисаи  давлатии  нигаҳдории  роҳҳои   автомобилгарди  ноҳия  идома  дорад. Сардори  муассиса   Темур  Ҳаётов  дар  бастагӣ  ба   ин  мавзӯъ  гуфт, ки    барои  барқарорсозии  купрукҳо  ва роҳҳои    аз  офати  табиӣ  зарардида   панҷ   техника   сафарбар  гардида   омодаи  кор  мебошанд. Ба  гуфтаи    ин  манбаъ  имсол  бори  сеюм  аст, ки  роҳҳои   автомобилгард  ва  маҳаллии  ноҳия  зарар  дида  аз  сари  нав  барқарор  мегарданд. Мавриди  зикр  аст, ки   то  ин  ҷониб   муассиса    барои   нигаҳдори  ва  таъмири  роҳҳои  автомобилгарди  аҳамияти  ҷумҳуридошта    маблағи  45517 сомони  ва  барои   таъмири   роҳҳои    маҳаллӣ   маблағи  18 328  сомони   масраф  кардааст. Ҳаётов  афзуд, ки   кормандни  муассиса  ба  таъмири  роҳҳои  Кўлоб-  Муъминобод, Кулчашма, Ғеш, Лангар  шуруъ  карда  корҳои  таъмириро  дар  рўзҳои  наздик  ба  итмом  мерасонанд. Гуфта  мешавад   ба  муассиса   ба  миқдори  300 т шағали  табии  ва  20 т  муми   сиёҳ  ворид  карда  шудааст, ки аз  ин ашёи  хом  асфалт  тайёр  карда дар  моҳҳои   июн- июл    роҳҳои    автомобилгарди   ноҳияро  таъмир  месозанд.