ТӮҲФА БА СОБИҚАДАРОНИ ҶАНГУ МЕҲНАТ

Муъмиобод , 7 май. ( АМИТ «Ховар», Сулаймон  Холов). — Ҳукумати  ноҳияи  Муъминобод  бахшида   ба  рӯзи  ҳамдилии  меҳнаткашон  3-юми  май  ба 30 нафар собиқадорони  меҳнат  тӯхфаҳои  хотирави  тақдим  намуд. Раиси  ноҳия    Сафарали  Зокиров зимни  тақдими  ин  тӯҳфаҳо  гуфт:  «Ин  шахсон  аз зумраи  онҳоеанд, ки  дар  рушди  соҳаи  хоҷагии  қишлоқ  дар  солҳои душвортарин   саҳми  хоса  гузошта, умри  пурбаракати  худро  сарфи ободии  диёр  намудаанд. Мавриди  зикр  аст, ки  тӯхфаҳои  хотиравии  собиқадорон  беш  аз  8 000 сомониро  дар бар  мегирад». Инчунин  ҳукумати   ноҳия  ба  тачлили  ҷашни  ғалаба  омодагӣ  дида,  ба  ин  муносибат   китоберо  ба  номи  «Хотира»  нашр  кардааст, ки    дар  он  аз  рӯзгори    иштирокчиёни ҶБВ, ки  сокинони  ноҳия  будаанд   ҳикоят  шудааст. Гуфта  мешавад китоби  «Хотира»  бо  теъдоди  500  адад нашр шуда, ба иштирокчиёни ҶБВ ва ба хонаводаи   онҳое ки  дар  қайди  ҳаёт  нестанд   тақдим  карда  мешавад.