ТАТБИҚИ ИЛМ ДАР ИСТЕҲСОЛОТ

             Душанбе, 4 май. (АМИТ «Ховар», Лаззат Диловарзод).- Бино ба гуфти саркотиби Академияи илмҳои кишоварзӣ Давлатҷон Комилзода, соли ҷорӣ  навъҳои зироатҳои ғалладона, аз ҷумла, навъҳои гандуми «Президент», «Ормон», «Сомонӣ», « Алекс », «Норман», «Садоқат», «Зироаткор -70», «Ориён», «Наврӯз», «Ватан» ва «Шамъ» ҷави навъҳои «Ифтихор», «Баракат», «Пӯлодӣ» ва  се навъи тритикал ва ҷавдори навъҳои «вахш -128», «Вахш -116» дар майдони 130 ҳазор гектар кишт карда шуданд. Зироатҳои киштшуда натиҷаи татқиқоти олимони Институти зироаткории Тоҷикистон буда, аз ҷиҳати серҳосилӣ ва тобоварӣ ба касалиҳои гуногун нисбат ба навъҳои гандуму  ҷави хориҷӣ беҳтар мебошанд. Соли ҷорӣ ин навъи зироатҳоро  дар майдони 130 ҳазор гектар кишт намуданд. Дар сурати мусоид будани обу ҳаво соли ҷорӣ дар ҷумҳурӣ ҳосили рекордӣ ба даст оварда мешавад,- броз намуданд кормандони илмии Институти зироаткории Академияи илмҳои  кишоварзӣ ба мухбири АМИТ «Ховар».