3377 ИСТИРОҲАТГОҲ ДАР ХИЗМАТИ ХОНАНДАГОН

Душанбе, 11 июн. (АМИТ «Ховар», Лаззат Диловарзод).- Шумораи истироҳаткунандагони мактабҳои таълимоти умумӣ дар  ӯрдугоҳҳо       (лагерҳо) –и тобистонаи беруазшаҳрӣ ва наздимактабӣ сол то сол зиёд мегарданд,- иброз доштанд дар Вазорати маориф ба мухбири АМИТ «Ховар». Соли ҷорӣ дар истироҳатгоҳҳои тобистонаи мактаббачагони ҷумҳурӣ беш аз 394 ҳазору  525 нафар хонандагон дар 4 баст ба истироҳат фаро гирифта мешаванд. Арзиши 1 роҳхат дар лагерҳои беруназшаҳрӣ аз 340 то 380 сомонӣ мебошад. Дар ташкилоту идораҳое, ки иттифоқҳои касаба фаъолият доранд падару модарон ҳамагӣ 15 фоизи нархи роҳхатро пардохт менамоянд. Як роҳхат барои 15 рӯз дода мешавад. Бино ба иттилои ҳамин манба, соли ҷорӣ дар ин истироҳатгоҳҳо 200 нафар бачагони оилаҳои зарардидаи шаҳри Кӯлоб ва 120 нафар фарзандони сохтмончиёни НОБ –и «Роғун»   бепул  истироҳат мекунанд.