89 ФОИЗИ КИШТИ ЗИРОАТҲОИ ТЕХНИКӢ АНҶОМ ЁФТ

Душанбе, 9 июн. (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ, соли ҷорӣ тибқи дурнамо, дар майдони 207 ҳазору 930 гектар кишти зироатҳои техникӣ гузаронида мешававд, ки аз ин 180 ҳазор гектарашро кишти чигит ташкил медиҳад. То 7 –уми июни соли ҷорӣ дар ҷумҳурӣ дар майдони 186 ҳазор гектар кишти зироатҳои техникӣ гузаронида шудааст. Дар вилояти Суғд кишти зироатҳои техникӣ 64 ҳазору 506 гектар пешбинӣ шудааст. То 7 –уми июн  дар ин вилоят дар масоҳати 62 ҳазору 113 гектар, ки баробари 96,3 фоизи дурнаморо ташкил медиҳад, кишти зироатҳои техникӣ анҷом дода шудааст. Дар вилояти Хатлон бошад кишти зироатҳои техникӣ ба 110 ҳазору 488 га ( аз 130 ҳазору 325 га)– и дар нақша пешбанишуда ва дар ноҳияҳои тобеи ҷумҳурӣ ба ҷои 13 ҳазору  28 га 13 ҳазору 604 га зироатҳои техникӣ кишт карда шудааст, ки аз нақшаи пешбинишуда зиёд аст.