АЗ БЕЭҲТИЁТӢ ҒАРҚ ШУДАНД

Душанбе, 21 июн. (АМИТ «Ховар», Жасмин Назарова). – Тавре аз дафтари матбуоти Вазорати корҳои дохилии ҶТ иттилоъ доданд, рӯзи 20 июни соли равон шаҳрванд Шамсиддинов Сорбони 22-сола, истиқоматкунандаи шаҳри Кӯлоб, ҷамоати Шаталови ноҳияи Рӯдакӣ, ҳангоми оббози кардан дар ҳавзи воқеъ дар ҳудуди ҷамоати Чимтеппаи ноҳияи Рӯдакӣ аз беэҳтиётӣ ғарқ  шуда ба ҳалокат расидааст. Чунин ҳодиса 19 июни соли равон шаҳрванд Баҳриддини Баротзодаи 19 – сола, истиқоматкунандаи ҷамоати Озодии ноҳияи Ёвон, ҳангоми оббозӣ кардан дар кӯли назди деҳаашон, аз беэҳтиётии худ ғарқ шуда ба ҳалокат расидааст. Ҳамчунин ноболиғ Раҳмонова Меҳронаи 5-сола, истиқоматкунандаи ҷамоати Даркади ноҳияи Фархор ҳангоми оббози кардан дар канали назди хонаашон, аз беназоратии волидайн ва беэҳтиётии худ ғарқ шуда ба ҳалокат расидааст.