БА ИСТИФОДА ДОДАНИ ИНШООТИ ҶАШНӢ

Душанбе, 25 июн. (АМИТ «Ховар», Лаззат Диловарзод).- Дар арафаи ҷашни Рӯзи ваҳдати миллӣ аз ноҳияи Ишкошими Вилояти Мухтори Кӯҳистони Бадахшон хушхабаре расид. Бино ба иттилои раиси ноҳияи мазкур Акрамхон Кучакшоев бо дастгирии Ҳукумати ҷумҳурӣ, КВД «ТАЛКО» бунёди меҳмонхонаи «Сеситорадор»-и дуошёна дар деҳаи Гармчашма, ки соли гузашта оғоз ёфта буд, соли ҷорӣ  дар рӯзи ҷашни 13 — солагии  Ваҳдати миллӣ ба истифода дода мешавад. Боиси тазаккур аст, ки ба муносибати ин ҷашни фархунда сохтмони меҳонхона дар назди шифохонаи «Авҷ», хонаи миллӣ ва  меҳмонхона дар назди шифохонаи «Биби Фотимаи Зуҳро», мактаби рақами 8 дар деҳаи Варанг барои 240 ҷой, меҳмонхона-қаҳвахона дар деҳаи Шитхарв, меҳмонхона дар деҳаи Ширгин, сохтмони Маркази савдо дар маркази ноҳия, меҳмонхонаи дуошёна дар деҳаи Андароб аз иншооти ҷашнӣ буда, дар як муддати кӯтоҳ бо дастгирии бевоситаи Сарвари давлат мавриди баҳрабардорӣ қарор ёфтанд,- иброз дошт   телефонӣ  раиси ноҳия ба мухбири АМИТ «Ховар».