БЕҲТАР НАМУДАНИ ҲОЛАТИ МЕЛИОРАТИВИИ ЗАМИНҲО

Душанбе, 7 июн. (АМИТ «Ховар», Лаззат Диловарзод).- Бино ба маълумоти  дастгоҳи раиси ноҳияи Ашти вилояти Суғд, бо мақсади беҳтар намудани ҳолати мелиоративии заминҳо, ҳамчунин аз ҳисоби лоиҳаи инвеститсионии «Барқарорсозии системаи ирригатсионӣ», ки ҳаҷми умумии маблағи он ба 8 млн. 30 ҳазор доллари амрикоӣ баробар аст, корҳои зиёде анҷом дода шуда, то охири моҳи майи соли ҷорӣ  аз ин  маблағ 7 млн 400 ҳазор доллар аз худ карда  шудааст. Боис ба ёдоварист, ки дар солҳои 2007 -2009  дар ноҳияи Ашт 217 гектар заминҳои нав обёрӣ гарда, барои истифода ба хоҷагиҳои кишоварзӣ  супорида шуданд. Дар ин давра дар маҷмӯъ ҳолати  мелиоративии 4 ҳазору 700 гектар заминҳои кишоварзӣ беҳтар гардид, ки барои он 1 млн. 569 ҳазор сомонӣ маблағ истифода карда шудааст.