БЕКОРОН БО КОР ТАЪМИН МЕШАВАНД

Қӯрғонтеппа, 25 июн. (АМИТ «Ховар», Юсуфбек Беков). Дар маркази вилояти Хатлон шаҳри Қӯрғонтеппа ярмакаи чойҳои кори холӣ ва вазифаҳои озод баргузор гардид. Дар он намояндагони корхонаю муассисаҳои гуногун ба корҷӯён 940  ҷои кори холиро пешниҳод намуданд. Дар натиҷа  59 нафар  ба кори доимӣ фиристода шуд.  Мухбири АМИТ «Ховар» хабар медиҳад, ки дар ярмарка намояндагони корхонаю ташкилотҳои аз ноҳияҳои  Бохтар, Сарбанд, Вахш, Ҷ.Румӣ, Ёвон ва шаҳри Қурғонтеппа ширкат варзиданд. Сардори шӯъбаи сарраёсати Агентии давлатии ҳифзи иҷтимоӣ, шуғли аҳолӣ ва  муҳоҷирати меҳнатии вилояти Хатлон Ризоқул Ҷӯраев зикр кард, ки  дар вилояти Хатлон аз моҳи январи соли ҷорӣ то имрӯз 140 ярмаркаи ҷои кору вазифаҳои холӣ  гузаронида шуд. Дар натиҷаи онҳо  930 нафар   бо кори  доимӣ таъмин карда шуд.