ФАЛОКАТ ДАР ҲОЛАТИ МАСТӢ

Душанбе, 25 июн. (АМИТ «Ховар», Жасмин Назарова). – Рӯзи 24 июни соли равон ҳангоми гузарондани чораҳои фаврӣ-ҷустуҷӯӣ аз ҷониби кормандони шӯъбаи бахши кофтукови ҷиноии вилояти Суғд, шаҳрванд Раҳимҷонов Комилҷон, соли таваллудаш 1968, истиқоматкунандаи шаҳри Б. Ғафурови вилояти Суғд, дастгир карда шуд. Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, рӯзи 23 июни соли равон К. Раҳимҷонов дар ҳолати мастӣ дар чойхонаи «Шар-Шара», воқеъ дар деҳаи Маҳрами ноҳияи Конибодом, дар натиҷаи муноқишаи ба миён омада бо шаҳрванд Нурматов Алишер, соли таваллудаш 1978, истиқоматкунандаи ҷамоати Шарипов, деҳаи Маҳрам, К. Раҳимҷонов бо корди хоҷагӣ 2 маротиба ба тарафи чапи бадани А. Нурматов задаст. Дар натиҷа Нурматов А. захми вазнини ҷисмонӣ бардошта дар беморхонаи ноҳия бистарӣ гаштааст. Нисбати ин ҳодиса парвандаи ҷиноӣ оғоз шуда, тафтишот идома дорад.