ИҶРОИ КИШТИ ҒАЛЛАРО ТАЪМИН НАМУДАНД

Душанбе, 10 июн. (АМИТ «Ховар», Лаззат Диловарзод).- Бино ба иттлои Раёсати растанипарварии Вазорати кишоварзӣ, кишоварзони хоҷагиҳои деҳқонӣ (фермерӣ) – и вилоятҳои Суғду Хатлон маъракаи кишти зироатҳои ғалладонагиро бармаҳал ва барзиёд иҷро намуданд. Тибқи  маълумоти ҳамин манбаъ, дар вилояти Хатлон ба ҷои 118,8 ҳазор гектар дар майдони 128 ҳазору 96 гектар кишти зироатҳои ғалладона гузаронида шудааст. Дар вилояти Суғд бошад дурнамои кишти зироатҳои ғалладона 55, 9 ҳазор гектарро ташкил медиҳад. То 7- уми  июн дар ин вилоят зиёда аз 58,3 ҳазор гектар зироатҳои ғалладонагӣ кишт карда шудааст. Баробари  ин муваффақияти ба даст омада, дар ҳарду вилоят  нақшаи кишти ҷуворимакка иҷро нагардидааст ва аз 4558 гектари нақшавӣ ҳамагӣ дар  масоҳати 3539 гектар ҷуворимакка кишт карда шудааст, ки он 77,6 фоизи дурнаморо ташкил  медиҳад.