КӮМАКҲОИ ҲАМАҶОНИБАИ ИТТИҲОДИ АВРУПО

Душанбе, 7 июн. (АМИТ «Ховар», Лаззат Диловарзод).- Дар вохӯрие, ки вазири меҳнат ва ҳифзи иҷтимоии аҳолии ҷумҳурии Тоҷикистон Маҳмадамин Маҳмадаминов бо  сафири Иттиҳоди Аврупо  дар Тоҷикистон ҷаноби Эдуар Ауэр доир намуд,   масоили ҳамкорӣ  миёни ҶТ ва Иттиҳоди Аврупо дар соҳаи ҳифзи иҷтимоӣ  баррасӣ гардиданд. Сафири Иттиҳоди Аврупо дар Ҷумҳурии Тоҷикистон  ҷаноби Эдуар Ауэр        дар мулоқоти хеле кӯтоҳу судманди худ вазири меҳнат ва ҳифзи иҷтимоии аҳолии Тоҷикистон  М. Маҳмадаминовро бовар кунонд, ки ин иттиҳоди бонуфузи аврупоӣ дар бахши ҳамкорӣ ба соҳаи ҳифзи иҷтимоии  аҳолӣ  кӯмакҳои ҳамҷонибаро ба роҳ мемонад.