КӮМАКИ ҶОПОН БА ТОҶИКИСТОН

Душанбе, 18 июн. (АМИТ «Ховар», Фирдавс Таваров)- 15 июни соли 2010 Ҳукумати Ҷопон  тасмим  гирифт, ки маблағи қариб 200, 000 доллари  ИМА  ($195,  950) таввасути  Хазинаи  кудакони  Созмони  Миллали Муттаҳид  (ЮНИСЕФ) барои андешидани чораҳо бар зидди бемории фалаҷ дар Тоҷикистон ва кишварҳои ҳамсоя ҷудо намояд. Дар ин бора ба АМИТ «Ховар» аз Сафоратхонаи Ҷопон дар Тоҷикистон хабар доданд.  Таввасути кӯмаки мазкур Ҳукумати Ҷопон харидорӣ ва интиқоли ваксинаҳо бар зидди фалаҷ  барои  350 ҳазор кудакон  дар Тоҷикистон  ва кишварҳои ҳамсояро дастгирӣ хоҳад кард.