МУЛОҚОТИ Э. РАҲМОН БО ША ТСУ КАН

7 июни соли 2010 Президенти Ҷумҳурии Тоҷикистон Эмомалӣ Раҳмон Муовини дабири кулли Созмони Милали Муттаҳид  Ша Тсу Канро, ки барои иштирок дар Конфронси байналмилалии сатҳи баланд оид ба масоили об ба шаҳри Душанбе ташриф овардааст, ба ҳузур пазируфт. Дар мулоқот масоили ҳамгироии Тоҷикистон бо ин созмони бонуфузи ҷаҳонӣ дар самту соҳаҳои гуногун, аз ҷумла татбиқи ташаббусҳои глобалии кишвари мо оид ба масоили об ва Ҳадафҳои рушди Ҳазорсола баррасӣ шуд. Ша Тсу Кан салому паём ва миннатдории Дабири кулли Созмони Милали Муттаҳид Пан Ги Мунро ба Сарвари давлати Тоҷикистон Эмомалӣ Раҳмон баҳри баргузории чунин ҳамоиши муҳим дар шаҳри Душанбе расонда, изҳор дошт: «Созмони Милали Муттаҳид омода аст, ки ба ҳаллу фасли мушкилоти зиёди мавҷуда, аз ҷумла вобаста ба мушкилоти истифодаи захираҳои обию энергетикӣ дар минтақаи Осиёи Марказӣ мусоидат намояд».   Изҳори боварӣ карда шуд, ки конфронси Душанбе дар нати?агирии нимаи аввали Даҳсолаи байналмилалии амалиёти “Об барои ҳаёт” ва муайян кардани на?шаву тадбир?ои амалӣ барои ноил гаштан ба ма?сад?ои Даҳсола ва Ҳадафҳои рушди Ҳазорсола маъракаи асосӣ мегардад. Таъкид гардид, ки “нати?аҳои Конфронси Душанбе дар Муло?оти сат?и олии Созмони Милали Муттаҳид, ки моҳи сентябр дар шаҳри Ню-Йорк барпо хоҳад гашт, аз ҷониби Ҳукумати Ҷумҳурии Тоҷикистон пешниҳод карда мешавад”. Гуфтугўйи судманд ҳамчунин оид ба масоили сиёсӣ, иҷтимоию иқтисодӣ ва гуманитарӣ дар минтақа ва ҷаҳон, аз ҷумла дар Осиёи Марказӣ ва Афғонистон сурат гирифт. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.