ТАЪСИСИ КОРХОНАИ НАВ ДАР МУЪМИНОБОД

Муъминобод, 23 июн. (АМИТ «Ховар», Сулаймон  Холов). —  Бо  ташабуси раиси ноҳияи Муъминобод Сафаралӣ Зокиров дар  ноҳия  як   корхонаи  нави коркарди  истеҳсоли  хишти  хом  таъсис  ёфт, ки  ин  барои  сохтмони  бино  ва бунёди хонаи  истиқоматии аҳолии  ноҳия зарурият  дошт. Корхонаи навтаъсис ба Ҷамъияти  саҳомии шакли пушидаи «Садаф» — и шаҳри Душанбе мансубият  дошта роҳбарии корхонаи мазкурро Темур Нуров ба ӯҳда дорад.  Мавриди  зикр  аст, ки  айни  ҳол  корхона  дар  як  баст   фаъолият  дошта  дар  як  шабонарӯз  беш аз  6 ҳазор хишти  хом  истеҳсол  менамояд. Айни  ҳол дар оянда дар  корхона 10 нафар  коргарон  мувофиқи   шартнома  фаъолият   дошта, масъулини корхона имкон доранд, ки беш аз 20 нафар коргарро мувофиқи шартнома ба кор қабул  намояд.  Тавре  назоратчии  корхона  Карим  Давлатов  зимни  сӯҳбат  ба  мо  иброз  дошт  корхона   бо  таҷҳизоти  навтарини замонавӣ ва техникаи  ёрирасон таъмин мебошад. Мавриди зикр аст, ки истеҳсоли имрӯзаи корхона ба сохтмони хонаҳои навбунёди мардуми аз офати табиӣ  зарардидаи шаҳри Кӯлоб равона мегардад. Гуфта мешавад нархи як  дона хишти исеҳсолгардида 25 дирамро ташкил дода ба талаботи   стандарти ҷавобгӯй мебошад.