ҲАМАИ 40 ФОИЗИ ҲАҚҚИ ОБ ПАРДОХТ ШУДААСТ

Душанбе,23 июл. ( АМИТ « Ховар», Назокат Қодирова).- Вазорати  мелиоратсия   ва захираҳои оби  Ҷумҳурии  Тоҷикистон  ва сохторҳои он дар  асоси дастуру  супоришҳои президенти Ҷумҳурии Тоҷикистон  фаъолият намуда, дар нимсолаи аввали  соли 2010 ҷиҳати таъмини  иҷрои вазифаҳо  оид ба пешбурди  сиёсат дар соҳаи об ,  муташаккилона  гузаронидани мавсими обдиҳӣ, беҳтар намудани ҳолати мелиоративии  заминҳо гузаронидани корҳои  муайянеро анҷом доданд. Идораю корхонаҳои  захираҳои об  новобаста аз  мушкилоти ҷойдошта  ва офатҳои табиӣ иншооти  обрасониро  ба  мавсими обёрии соли 2010 омода намуданд. То 1 июли  соли 2010  дар ҷумҳурӣ бо 10 ҳазору 449 хоҷагӣ  дар майдони 493 ҳазору 418 гектар барои  обрасонӣ шартнома  ба имзо расонида,  бо арзиши 31 млн. сомонӣ хизмат расониданд. Аз ҷониби истифодабарандагони  об ба маблағи 12,1 млн. сомонӣ  ҳақки хизмати обрасонӣ  пардохт карда  шудааст ,ки 40  фоизи арзиши  оби додашударо  ташкил медиҳад. Аз ҳисоби маблағҳои  мутамарказонидашуда  соли равон  ба Вазорат  барои иншооти  сохтмони асосӣ 8,0 млн. сомонӣ, аз ҷумла  барои  корҳои  сохтмонию  васлкунӣ  7,03 млн. сомонӣ маблағ ҷудо гардидааст. Оид ба таъмини  иҷрои қарори  Ҳукумати Ҷумҳурии Тоҷикистон  аз 2  декабри соли 2006,№ 514 « Барномаи беҳтар  намудани таъмини   аҳолии Ҷумҳурии Тоҷикистон  бо оби тозаи  нӯшокӣ  барои солҳои  2008- 2020» аз ҷониби  Муассисаи  давлатии   « Сарраёсати  Тоҷикобдеҳот»  ва  лоиҳаҳои   амалишавандаи  назди Вазорат корҳои  барқарорсозӣ,  азнавсозии шабакаҳои  таъминоти  оби нӯшокӣ  ба маблағи  885,6 ҳазор сомонӣ  ба анҷом расонида шудааст. Вазифаи асосии  ташкилоту корхонаҳои    Вазорати  мелиоратсия  ва захираҳои  оби Ҷумҳурии Тоҷикистон  дар нимсолаи дуюм  муташаккилона   гузаронидани мавсими  обдиҳӣ, дар  ҳолати пардохт   гардидани  ҳаққи хизмат  пурра ва  ҳатман  бо об таъмин  намудани кишти   такрорӣ ,  азхуднамудани  900 га  замини нав,  беҳтар намудани  ҳолати мелиоративии 10 ҳазор  га  заминҳои  обёришаванда  мебошад.