ҲАМОҲАНГШАВИИ НИЗОМИ АЭРОНАВИГАТСИОНӢ БО СТАНДАРТҲОИ ҶАҲОНӢ
Душанбе, 22 июл. ( АМИТ « Ховар», Назокат Қодирова).- «Таъмини бехатарии парвозҳо ва пешкаш намудани хизматрасониҳои марбут аз ҷониби корхонаи мо пеш аз ҳама аз шаклу тарзи ташкили фаъолият ва шароити фаъолият вобаста аст»,- гуфт директори генералии КВД «Тоҷикаэронавигатсия» Анвар Мақсудов зимни нишасти матбуотие ,ки 22 июл баргузор гардид. Дар нишаст ҳамчунин зикр гардид, ки бахусус дар фосилаи ҳисоботӣ бо мақсади ба тартиб даровардан ва ба қонунҳои ҷории давлат мутобиқ кардани фаъолияти муассиса роҳбарияти « Тоҷикаэронавигатсия» оид ба пешкаш намудани хизматҳои аэронавигатсионӣ бо 23 ширкати авиатсионие, ки дар фазои Тоҷикистон амал мекунанд ва аз фурудгоҳҳои кишвар истифода менамоянд, аз нав шартномаҳо ба тасвиб расонид. Барои самаранок истифода бурдани захираҳои маҳнатӣ ва беҳтар намудани хизматрасонӣ дар таъмини бехатарии парвозҳо дар фазои кишвар ва ҳамоҳангшавии кишвар бо стандартҳои ҷаҳонӣ Ширкати махсусгардонидашудаи Финландия тибқи шартнома таҷҳизоти метеорологӣ ирсол намуд, ки айни ҳол насби он дар филиали Қурғонтеппа амалӣ мегардад. Соли ҷорӣ ҳамчунин бо мақсади таъмини инъикоси синхронии иттилооти сабтшудаи савтиву радиолокатсионӣ ва таъмини назорати воқеии ташкили парвозҳо дар фазои Ҷумҳурии Тоҷикистон низоми бисёрқанотаи автоматикии номнавискунандаи иттилооти радиолакатсиониву савтии «СМИР-Т» дар шаҳрҳои Душанбе, Кӯлоб ва Қурғонтеппа насб гардид.
13 июл дар якчанд вазорату идора нишасти матбуотӣ баргузор мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
