ДИ&#1178&#1178АТИ АСОС&#1250 БА СОХТМОНИ НЕР&#1262ГОҲ&#1202ОИ ХУРДӢ БАРҚӢ

Душанбе,  5 июл. (АМИТ «Ховар»,  Кристина  Эрлих). —   Дар оянда барои  пешрафти  иқтисодиёти  Тоҷикистон асосан  нерӯгоҳҳои хурди барқӣ  сохта  мешаванд. Муассисаи  давлатии  «Маркази  идораи   барномаҳои   соҳаи  истеҳсоли  қувваи  барқ» аз  аввали  сол  барои  сохтмон ва тармиму таҷдиди  хатҳои  интиқоли барқ  ва  сохтмони нерӯгоҳҳои  хурди  барқӣ  қариб  40 миллион  сомонӣ   сарф  кард. Аз  рӯи  маълумоти  муассисаҳои  омор,  аз  моҳи  январ то  моҳи  майи  соли  равон барои сохтмони 8  нерӯгоҳи  хурди барқӣ  бештар  аз  10,7  миллион  сомонӣ  сарф  шуд.  Дар  ин муддат  дар  мамлакат  14  нерӯгоҳи  хурди  барқӣ  сохта  шуд, ки  иқтидори  умумии  онҳо 529  киловат – соат  мебошад. Ин  нерӯгоҳҳо  асосан  дар   ноҳияҳои  кӯҳистони  Бадахшон, вилояти  Суғд  ва  водии  Рашт  сохта шуданд. Мухбири  АМИТ «Ховар»  ёдовар  мешавад, ки  айни  ҳол  дар  байни  ҳамаи  соҳаҳои  иқтисодиёт  ба  соҳаи  энергетика  маблағи  бештар  ҷудо  карда  мешавад.  Дар  мамлакат  аз  аввали  соли  равон  барои  сохтмони  иншоотҳои  барқӣ  зиёда  аз 500 миллион  сомонӣ   сарф  карда шудааст.