ИЗҲОРИ НИГАРОНӢ АЗ БАРНОМАИ КОМПЮТЕРКУНОНӢ

Душанбе,23 июл. (АМИТ «Ховар», Лаззат Диловарзод).-  Муассисаҳои таълимии шаҳру ноҳияҳои вилояти Хатлон  барои иҷрои пурраи Барномаи компютеркунонӣ ба 1077 адад компютер эҳтиёҷ доранд. Дар ин бора сардори Раёсати маорифи вилояти Хатлон Ҷӯрабой Собиров ба мухбири АМИТ «Ховар» иттилоъ дод. Бино ба иттилои ҳамин манбаъ, бо пешниҳоди як гурӯҳ мудирони шӯъбаҳои маорифи шаҳру навоҳии вилоят ҷиҳати пайвастани муассисаҳои таълимии шаҳру ноҳияҳо ба шабакаи умумиҷаҳонии Интернет аз ҷониби ҳукуматҳои маҳалӣ дастгирӣ ёфт.  То имрӯз  дар шаҳрҳои Қӯрғонтеппа 15 мактаб, Кӯлоб – 5, Норак-5, Сарбанд – 2 ва ноҳияҳои Қубодиёну Панҷ  думактабӣ, Ховалинг, Қумсангир, Восеъ, Абдураҳмони Ҷомӣ, Шаҳритус ва Вахш якмактабӣ ба шабакаи умумиҷаҳонии Интернет пайваст карда шуданд.