МАЙДОНИ ҶАВЛОНГОҲИ МАЛАХ ДАР ҶУМҲУРӢ

Душанбе, 5 июл. (АМИТ «Ховар», Лаззат Диловарзод).-  Дар ҷаласаи навбатии ситоди «Мубориза бар зидди малах», ки бо роҳбарии вазири кишоварзӣ Қ. Қосимов баргузир гардид, аз он изҳори нигаронӣ карда шуд, ки то 28 – уми июни соли ҷорӣ майдони паҳншудаи  малах 99 ҳазору 90 гектарро ташкил дод, ки нисбат ба ҳамин давраи соли гузашта 6 ҳазору 25 гектар зиёд мебошад. Бино ба гуфти сардори Корхонаи воҳиди давлатии ҷумурии «Мубориза бар зидди малах» агар то 21 –уми июни соли ҷорӣ майдони паҳнгаштаи малах 94 ҳазору 882 гектарро ташкил дода бошад, баъди як ҳафта,   29- уми июни соли ҷорӣ малах дар  99 ҳазору 90 гектар паҳн гардид, ки сабаби он дар нопурра истифода кардани тракторҳои дорупошии ОВХ ва дастгоҳҳои аэрозолӣ,  ҳамчунин  кам шудани қувваи корӣ медонанд. Масалан агар то 14 июн аз 44 адад тракторҳои дорупошӣдар нобуд сохтани малах  истифода шуда бошад аз 21- ум то 30 –юми июн аз 13 адад тракторҳои дорупошӣ ва 265 адад дорупошакҳои дастӣ (ба ҷойи 643 адад) ва 400 қувваи корӣ (ба ҷойи 817 нафар) истифода карда шудааст, ки ба паҳн шудани малах роҳ дода, дар натиҷа майдони паҳн шудаи  малах ба ҷойи кам шудан афзоиш ёфтааст. Ҳамчунин сабаби дигари  кам нашудани малах аз тарафи Муассисаи давлатии «Муҳофизати растаниҳо ва химикунонии кишоварзӣ» нисбат ба соли гузашта 10 ҳазору 195 литр  камтар ҷудо шудани заҳрхимикатҳо дониста мешавад. Ситод дар бораи нест кардани малах ба мутахассисон  супоришро ҷиддитар намуд.