НАМОЯНДАИ БАЛАНДПОЯИ ЭРОН АЗ «САНГТӮДА-2» БОЗДИД НАМУД
Душанбе, 12 июл. (АМИТ «Ховар», Марзия Саидова).- Дар доираи сафари кории Раиси Дастгоҳи Президенти Ҷумҳурии Исломии Эрон Исфандиёр Раҳим Машоӣ ба Ҷумҳурии Тоҷикистон дар Варзишгоҳи марказии пойтахт хишти нахустини пойдевори толори варзишӣ гузошта шуд. Толори мазкур дуюмин толори варзишиест, ки аз ҷониби Эрон дар Душанбе бунёд гардида, он барои намуди варзишҳои бостонӣ- зӯрхонаӣ махсус гардонида мешавад. Дар маросими гузоштани хишти нахустини пойдевори толори варзишӣ намояндаи мақоми баландпояи Эрон Исфандиёр Раҳим Машоӣ ва Раиси Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон Маликшо Неъмат сухан карда, бунёди чунин бинои варзиширо фоли неке аз тақвияти робитаҳои судманди Тоҷикистону Эрон дар бахши варзиш арзёбӣ карданд. Исфандиёр Раҳим Машоӣ дар чаҳорчӯбаи сафари кории худ ба Тоҷикистон аз маҳали сохтмони Нерӯгоҳи барқи обии «Сангтӯда-2» воқеъ дар ҷануби Тоҷикистон боздид намуда, инчунин, бо эрониёни муқими Душанбе дидору мулоқот кард.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
