НИШАСТИ МАТБУОТӢ ДАР ВАРЗОБ

Варзоб ,20 июл. ( АМИТ « Ховар», Ҳотам Рабиев). Дар нимсолаи  аввалу соли чорӣ  5 адад корхонаи  саноатии ноҳия  ба маблағи  546,3  ҳазор сомонӣ  маҳсулот истеҳсол  намудаанд , ки  нисбат ба ҳамин давраи соли 2009 383,1  ҳазор сомонӣ  зиёд аст ,- иброз дошт  муовини раиси  ноҳияи Варзоб     Неъматулло Сафаров  зимни нишасти матбуотӣ , ки дар  мақомоти иҷроияи  ҳокимияти давлатии ин ҷо  баргузор гардид.  Дар нишасти матбуотӣ  муовинони раис , мудирони шӯъбаҳо,  роҳбарони ташкилоту  муассисаҳо  ҳузур доштанд. Ҳаҷми умумии  истеҳсоли маҳсулоти кишоварзӣ дар ҳамаи  соҳаҳои  хоҷагидорӣ  5403  ҳазор сомонӣ буда ,  нисбат ба ҳамин давраи  соли  2008- ум 637 ҳазор сомонӣ  зиёд мебошад.  Саршумори  чорво низ  нисбат ба соли гузашта  зиёд шуда , 5395 сар чорвои  калони шохдор  ва 8403 сар чорвои  хурд афзоиш  ёфтааст. Неъматулло Сафаров  муовини аввали  раиси ноҳияи  Варзоб  ба хабарнигорон  иттилоъ  дод , ки  тамоми муассисаҳо   ба зимистонгузаронии  солҳои 2010 -2011 омодагии  ҳамаҷониба  мебинанд,  аз ҷумла ҳамаи мактабҳои ноҳия  бо 130 тонна ангишт  таъмин гаштанд. Дар ноҳияи Варзоб  зиёда аз 600  нуқтаи  истироҳатӣ мавҷуд  аст , ки 26 фоизи даромади буҷаи  ноҳияро ташкил медиҳад. Дар ҷараёни нишасти матбуотӣ  хабарнигорон аз  муовини раиси  ноҳия ва   дигар масъулони мақомоти  иҷроияи  ҳокимияти давлатии ноҳияи Варзоб  ба саволҳои худ  ҷавобҳои   қаноатбахш   гирифтанд.