СОХТМОНИ ХОНАҲО ДАР КӮЛОБ

Кӯлоб, 20 июл. (АМИТ “Ховар”, Сулаймон  Холов). —  Дар  шаҳри  Кӯлоб  бо  дастгирии  ҳуқумати  ҶТ  барои  беҳдошти  шароити  зисти  сокиноне, ки бар  асари  офати  табиӣ   зарар  дидаанд,  тадбирҳои  мушаххас  амалӣ  гардида, корҳои  сохтмонӣ  дар ҳамаи  қитъаҳои  муайянгардида   муташакилона  ҷараён  дорад. Дар  ин самт  вазорати роҳи  оҳани ҷумҳурӣ, ки сохтмони 21  хонаи  истиқоматиро  бар  зиммаи  худ  дорад то ин дам иҷрои корҳои  сохтмониро  ба 80% расонидаанд.  Рашид  Маҷидов  муҳандиси сохтмонии   қитъа  дар  бастагӣ  ба ин  мавзӯъ   гуфт, ки  айни  ҳол  дар  корҳои  сохтмонии  хонаҳои  истиқоматӣ  беш  аз  200  нафар  сохтмончиён  кор  ва фаъолият   дошта    мувофиқи   шартнома  музд мегиранд. Ба гуфтаи  ин  манбаъ  коргарон  дар  ду  баст  фаъолият намуда, бо  се  вақт  хӯрок  ва ҷои хоб  таъмин  мебошанд.  Мавриди  зикр  аст, ки  барои  пешбурди  корҳои  сохтмони  то ин дам ягон мушқилот садди  роҳ  нашудааст, чунки  аз  тарафи  вазорат  масолеҳи  сохтмони    ва  техникаҳои  ёрирасон   сари  вақт  таъмин    мегаранд. Роҳбарияти  вазорати  мазкур   тасмим  гирифтааст  то  нимаи  дуюми   моҳи    августи  соли  ҷори   сохтмони  хонаҳои  истиқоматиро  ба итмом  расонида  ба  соҳибонашон супориданд.