ҶИНОЯТКОРОН ДАСТГИР ГАРДИДАНД

Шӯрообод, 2 август. (АМИТ «Ховар», Сулаймон  Холов).- Дар  ноҳияи  Шўрообод  бо  мақсади  ҳимояи сарҳади  давлатӣ,  пешгирии  убури  ғайриқонунии  сарҳад  ва  дастгир  кардани     гурӯҳҳои  ҷиноятпеша   дар  ин  давра  аз  тарафи  қисми  низомии  2931-и   сарраёсати  сарҳадии    Кумитаи  давлатии   амнияти   миллии  ҶТ  чораҳои  мушаххас  амалӣ  карда  шуд, гуфт  зимни  нишасти  матбуотӣ  раиси  ноҳия   Амирхон  Икромов. Ба гуфтаи  ӯ дар  давоми  шаш  моҳи  соли ҷорӣ  ҳангоми  задухӯрд  бо  қочоқчиёни   силоҳбадасти  афғон  дар    минтақаҳои    марзӣ   2  нафар  қочоқчӣ  ба  қатл  расонида  шуд. Ҳамчунин  дар  ин  муддат   аз  тарафи  сарбозону  афсарони  қисми  низомии  мазкур   ҳангоми  задухӯрд  дар  минтақаи  сарҳадӣ   аз қочоқчиён  ба  миқдори  118,5 кг   маводи нашъадор мусодира  гардидааст. Дар  рафти  нишаст  зикр  гардид,  ки    дар  ин  муддат    ҳангоми  гузаронидани чорабиниҳои  фаврӣ-ҷустуҷӯӣ  аз  хати  сарҳад   2  адад   автомат  бо  6  тирдон   ва  128   дона   тирҳои  қутрашон  гуногун   ёфт  ва  мусодира  гардид.