25 КВОТА БАРОИ ТОҶИКОНИ МУҚИМИ ҚИРҒИЗИСТОН

Душанбе, 11 август. (АМИТ «Ховар», Фарангис Раҳимова). – Аз 2 то 4 августи соли ҷорӣ дар ноҳияи Қадамҷои вилояти Ботканди Ҷумҳурии Қирғизистон барои дастрас намудани 25 квота дар макотиби олии Тоҷикистон аз имтиҳон гузаштанд. Тавре аз Сафорати Ҷумҳурии Тоҷикистон дар Бишкек ба АМИТ «Ховар» хабар доданд, квотаҳои номбаршуда 15 марти соли 2007 дар мувофиқа бо Созишномаи байни Вазорати Ҷумҳурии Тоҷикистон ва Вазорати илм ва маорифи Ҷу мҳурии Қирғизистон барои тоҷикони муқимии Ҷумҳурии Қирғизистон ҷудо гардида буд.   «32 нафар довталаб барои 25 ҷойи ҷудошуда аз шаш минтақаи Қирғизистон, ки мактаби миёнаро бо забони тоҷикӣ хатм кардаанд, қувваозмоӣ намуданд. Довталабон бештар ба соҳаи тиб, энергетика ва барномасозӣ таваҷҷӯҳи зиёд зоҳир намуданд. Айни ҳол довталабоне, ки аз имтиҳонҳо гузаштаанд, ба сафар барои таҳсил дар Тоҷикистон омодагӣ мегиранд»,-қайд намуд манбаъ.