«ЧАКОМАИ ГЕСӮ» ДАР ҲИСОР

Душанбе, 17 август. (АМИТ «Ховар», Марзия Саидова).- Дар ноҳияи Ҳисор чун дар дигар шаҳру ноҳияҳои кишвар  даври аввали Фестивали ҷумҳуриявии «Чакомаи гесӯ» баргузор гашта истодааст. Тибқи иттилои мудири шӯъбаи фарҳанги ноҳияи Ҳисор Нуралӣ Мирзоалиев,  Фестивали ҷумҳуриявии «Чакомаи гесӯ» дар се давр дар мактабҳою муассисаҳо, хоҷагиҳо,  ҷамоатҳо ва дар маркази ноҳия гузаронида шуда, беҳтарин падидаю чеҳраҳо ба даври минтақавии озмун, ки дар шаҳри Турсунзода барпо мегардад,  интихоб мешаванд. Мавриди зикр аст, ки Фестивали ҷумҳуриявии «Чакомаи гесӯ» бо ташаббуси Ҳукумати Ҷумҳурии Тоҷикистон, Кумитаи кор бо занон ва оилаи назди Ҳукумати ҷумҳурӣ ва Вазорати фарҳанги кишвар ташкил ва гузаронида шуда, ҳадафаш эҳёи суннатҳои миллии ороиш ва бофтани мӯй, тарғиби зебопарастӣ, хусусан баланд бардоштани завқи эстетикӣ дар байни ҷавонондухтарону  бонувон, тараннуми шеъру шоирӣ, хусусан таронаю бадеҳаҳо  дар бахши зебопарастӣ, оро додани мӯй  ва таҳкими дӯстиву бародарӣ ва ваҳдат дар ҷомеаи Тоҷикистон мебошад.