ИЗОФАНАВИСИИ МАБЛАҒҲОИ КАЛОН

Душанбе, 3 август. ( АМИТ « Ховар», Марҳабо Зунунова).- Аз ҷониби  Агентии  назорати давлатии молиявӣ ва   мубориза бо  коррупсияи  ҶТ дар давраи ҳисоботӣ фаъолияти 15 маркази идоракунии  лоиҳаҳои  сармоягузорӣ  тафтиш карда шуд, ки дар натиҷа   зарари  моддӣ  дар ҳаҷми 13,8 миллион сомонӣ ошкор гардид,- гуфт сардори   Агентӣ  Фаттоҳ  Саидов  дар нишасти матбуотии  ҳисоботӣ   оид ба натиҷаҳои фаъолияти шашмоҳаи   Агентӣ. Фаттоҳ  Саидов   норасоиҳои  ҷиддӣ, аз ҷумла  изофанависӣ  дар  корҳои  таъмиру сохтмониро, ки зимни санҷиш ошкор гардиданд,  маълум  намуд.   Аз ҷумла, изофанависӣ  дар Муассисаи  давлатии « Маркази идоракунии лоиҳаҳои  барқарорсозии системаҳои  ирригатсионӣ»,  ки 6 миллиону  379  ҳазор сомонӣ, «Маркази  идоракунии  лоиҳаҳо  оид ба барқароркунии хоҷагии қишлоқи Тоҷикистон»-2 млн. 950 ҳазор  сомонӣ, дар муассисаи  « Маркази идоракунии  лоиҳаҳо оид ба  идоракунии  захираҳои обии  водии Фарғона»- 1 млн. 260 ҳазор сомонӣ, дар  « Маркази  татбиқи  лоиҳаҳо  оид   ба  барқарорсозии   роҳҳои мошингард»- 1 млн. 235 сомонӣ, дар   Марказ оид ба  татбиқи лоиҳаи сохтмони  роҳи мошингарди  Шоғун- Зиғар-422,9  ҳазор сомониро  ташкил дод. Зимни санҷиш  аз маблағҳои ошкоршуда 10 млн 189 ҳазор сомониаш барқарор гардид,- гуфт Фаттоҳ Саидов.