МАШВАРАТИ КОРӢ ДАР НАЗДИ САРВАЗИР

Душанбе,3 август. (АМИТ «Ховар», Дилшодаи Ҷонмард).-Имрўз, 3 август дар ҳузури Сарвазири мамлакат  Оқил Оқилов оид ба баррасии ҷараёни омодагиҳо ба Рўзи миллии Тоҷикистон , ки дар доираи  намоишгоҳи байналмиллалии ЭКСПО-2010  дар шаҳри Шанхайи Ҷумҳурии Халқии Хитой  баргузор мегардад, машварати корӣ  баргузор гардид.  Тавре таъкид шуд, намошгоҳи Ҷумҳурии Тоҷикистон ба мисли дигар давлатҳои ҷаҳон  дар ЭКСПО-2010 аз ибтидои моҳи майи соли равон дар шаҳри Шанхай ифтитоҳ гардида, то имрўз беш аз 2 миллион нафар аз он дидан кардааст. Оқил Оқилов   иштироки Тоҷикистонро  дар намоишгоҳи ЭКСПО- 2010  ва  баргузории  Рўзи миллии Тоҷикистонро дар доираи баргузории ин намошгоҳи умумиҷаҳонӣ воситаи муҳими муаррифии ҳарчи бештари давлати мо дар хориҷи мамлакат арзёбӣ карда, барои дар сатҳи баланд гузаронидани ин чорабиниҳои бузург ба масъулин дастуру супоришҳои мушаххас дод.