САВДОИ КӮЧАГӢ АЗ БАЙН БУРДА МЕШАВАД

Душанбе, 3 август.(АМИТ «Ховар», Марзия Саидова).- Ҷиҳати дар пойтахт аз байн бурдани савдои кӯчагӣ,  риояи қоидаҳои тартиботи ҷамъиятӣ, ободонӣ ва санитарӣ аз ҷониби Раёсати корҳои дохилӣ  дар ҳамкорӣ бо КВД «Савдо ва бозорҳои шаҳри Душанбе» чораҳои муассир андешида мешавад. Масъалаи мазкур дар ҷаласаи кории шаҳрдорӣ, ки дар ҳузури Раиси  шаҳри Душанбе Маҳмадсаид Убайдуллоев баргузор шуд, баррасӣ гардид. Назар ба иттилои котиби матбуотии Раиси шаҳри Душанбе Шавкат Саидов, ин тадбир бо мақсади таъмини амнияти истеъмолии шаҳрвандон, тақвияти фарҳанги  савдою  тиҷорат дар қаламрави шаҳр ва баланд бардоштани маърифати шаҳрнишинӣ ба роҳ монда мешавад.