200 НАФАР БО МУКОФОТҲОИ ДАВЛАТИИ ҶУМҲУРИИ ТОҶИКИСТОН САРФАРОЗ ГАРДИДАНД
Бегоҳии рўз бо иштироки Президенти мамлакат Эмомалӣ Раҳмон бахшида ба солгарди 19 – уми ҷашни истиқлоли давлатии Тоҷикистон маросими супоридани мукофотҳои давлатӣ баргузор гардид, ки зимни он наздики 200 нафар кормандони соҳаҳои гуногун бо мукофотҳо, унвонҳои олӣ ва ҷоизаҳои давлатии Ҷумҳурии Тоҷикистон сарфароз гардонда шуданд.Зимни маросими мукофотсупорӣ нахуст як нафар бо ордени Дўстӣ, 6 нафар бо ордени Шараф дараҷаи 1, 15 нафар бо ордени Шараф дараҷаи 2, 1 нафар бо медали Ҷасорат, 56 нафар бо медали Хизмати шоиста ва 8 нафар бо медали Шафқат сарфароз гардонда шуданд.Ҳадиса Қурбонова бо унвони фахрии Шоири халқии Тоҷикистон, Майрамой Турсунова бо унвони фахрии ҳунарпешаи халқии Тоҷикистон, Султон Наврўзов бо унвони фахрии Арбоби илм ва техникаи Тоҷикистон ва 5 нафар ҳунармандони маъруфи мамлакат бо унвони фахрии Ҳунарпешаи шоистаи Тоҷикистон сарфароз гардиданд. Ба 31 нафар ифтихорномаҳои Ҷумҳурии Тоҷикистон дода шуд.Зимни ин маросим ҳамчунин ҷоизаҳои давлатии Президенти Ҷумҳурии Тоҷикистон ва ҷоизаҳои давлатии ба номи Абўабдулло Рўдакӣ ва Исмоили Сомонӣ ба шарафмандшудагони онҳо супурда шуд.
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
