ДАРАХТИ ДӮСТӢ» ДАР ГӮШАИ ТОҶИКИСТОН

       Душанбе, 22 сентябр.(АМИТ «Ховар», Марзия Саидова).- 22 сентябри соли 2010 дар намоишгоҳи байналмилалии ЭКСПО-2010, ки дар шаҳри Шанхайи Чин баргузор гашта истодааст,  маросими тантанавии Рӯзи миллии Ҷумҳурии Тоҷикистон баргузор мегардад. Интизор меравад, ки дар маросими тантанавӣ ҳайати ҳукуматии Ҷумҳурии Тоҷикистон таҳти роҳбарии Сарвазири Ҷумҳурии Тоҷикистон Оқил Оқилов иштирок менамоянд.       Гӯшаи Тоҷикистон дар ин намоишгоҳи байналмилалӣ яке аз гӯшаҳои беҳтарин ба шумор рафта, садои форами шаршараи кӯҳӣ ба ҳар тамошобин ҳаловат мебахшад. Маркази гӯшаи Тоҷикистонро «Дарахти дӯстӣ», ки рамзи таҳкими дӯстиву рафоқат ва ҳамдилию ҳамбастагист,  оро додааст.