ДАРЁФТИ ЯРОҚ ДАР ШАҲРИ КӮЛОБ

Душанбе, 6 сентябр. (АМИТ «Ховар», Жасмин Назарова). – Тавре аз дафтари матбуоти Вазорати корҳои дохилии ҶТ иттилоъ доданд, рӯзи 5 сентябри соли равон ҳангоми азназаргузаронии деҳаи Лагмони шаҳри Кӯлоб аз ҷониби кормандони милисаи шаҳри Кӯлоб аз таги кӯпрук 1 адад яроқи оташфишони тамғаи АКМС 7,62мм, бе рақам, бе соли барориш, 2 адад корди ҳарбӣ, 110 дона тири АКМ 7,62 мм, 3 дона тирдони АКМ, 30 дона тири АК — 5,45 мм, 1 дона тирхалта, 2 дона норинҷаки дастӣ РГД — 5 бо тарконакҳояш дарёфт ва мусодира карда шуд. Барои дарёфт намудани дигар лавозимоти ҷангӣ, аз тарафи мақомоти ҳифзи ҳуқуқ корҳои ҷустуҷӯӣ идома дорад.