КОРХОНАҲОИ БОФАНДАГӢ ХОҲИШИ ИМТИЁЗ ДОРАНД
Душанбе, 29 сентябр. (АМИТ «Ховар», Лаззат Диловарзод).- Бино ба гуфти сардори шӯъбаи банақшагирии иқтисодии корхонаи нассоҷии Тоҷикистон Анвар Суннатов, имрӯзҳо корхона ба ашёи хом сахт ниёз дорад. Корхона танҳо бо мақсади нигоҳ доштани коллективи коргарон бо зарар барои худ фаъолияташро давом медиҳад. Ба гуфти А. Суннатов, захираи ашёи хоми корхона танҳо барои чанд моҳи дигар мерасаду халос. Корхона бо сабаби боло рафтани нархи пахта дар бозори ҷаҳонӣ имкони хариди онро надорад. Ба иттилои ҳамин манбаъ, корхона ашёи хоми бофандагиро бо нархи яклухти биржаи Ливерпул дар дохили кишвар харид мекунад, ки айни замон нархи 1 тонна пахта дар ин биржа ба 2 ҳазор доллари амрикоӣ расидааст. Боис ба ёдоварист, ки дар аввали соли ҷорӣ нархи 1 тонна пахта дар биржаи Ливерпул ба 1 ҳазору 100 доллари амрикоӣ ба савдо бароварда мешуд. Алҳол роҳбарияти корхона аз Ҳукумати ҷумҳурӣ дар бораи ба корхонаҳои бофандагӣ додани имтиёз барои хариди ашёи хом дар дохили кишвар дархост пешниҳод кардааст.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
