МУЛОҚОТИ ВАКИЛОН БО МАРДУМОНИ СУҒДУ ХАТЛОН

      Душанбе, 17 сентябр.(АМИТ «Ховар», Марзия Саидова).-Дар доираи мулоқоти вакилон бо интихобкунандагон дар ҷамоати «Янгиҳаёт» ва «Катаған»- и ноҳияҳои Ҷаббор Расулов ва Бобоҷон Ғафуров вохӯрии муовини Раиси Маҷлиси намояндагон Назира Ғаффорова, вакилон Талбак Салимов ва Мақсуда Салимова бо сокинони ин ҷамоатҳо доир шуд.      Дар мулоқот вакилон бо интихобкунандагон доир ба фаъолияти палатаи поёнии парлумони Тоҷикистон дар чор моҳи охир, таъмини амнияти энергетикию озуқаворӣ, гузариш ба истифодаи лампаҳои каммасрафи барқӣ, омодагии мардум ба мавсими тирамоҳу зимистон, раҳоӣ аз бунбасти коммуникатсионӣ, сохтмон ва таҷдиди роҳҳои автомобилгард дар кишвар ва омодагӣ ба  ҷашни 20-умин солгарди Истиқлолияти давлатии Ҷумҳурии Тоҷикистон ибрози назар карданд.      Тибқи иттилои сардори хадамоти иттилоотии Маҷлиси намояндагон Муҳаммадато Султонов, чунин вохӯрӣ бо интихобкунандагон дар вилояти Хатлон бо ҳузури вакилон Амирбек Маҳмадалиев,  Ҳабибулло Саъдуллоев ва Сафаралӣ Гулов низ доир шуд.