МУОВИНОНИ РАИСИ ШАҲР ҲИСОБОТ МЕДИҲАНД

Душанбе, 15 сентябр.(АМИТ «Ховар», Марзия Саидова).-Дар асоси Қарори Раиси шаҳри Душанбе Маҳмадсаид Убайдуллоев 23 сентябри соли 2010 дар шаҳри Душанбе иҷлосияи сеюми Маҷлиси вакилони халқи шаҳри Душанбе  даъвати чорум баргузор мегардад.         Дар иҷлосия дар назди вакилон  муовини Раиси шаҳри Душанбе Ҷамшед Мансуров доир ба ҷараёни  тадбирҳои омодасозии  ҳамаҷонибаи пойтахт ба мавсими тирамоҳу зимистони  солҳои 2010-2011 ҳисобот медиҳад.        Ҳамзамон, муовини Раиси шаҳри Душанбе Раҳматулло Таваров перомуни «Барномаи  рушди сохтмони  манзил дар шаҳри Душанбе барои солҳои 2007-2015» гузориш медиҳад.         Дар ҷараёни иҷлосия тасдиқи як қатор Қарорҳои Раиси шаҳри Душанбе дар назар дошта шудааст.        Тибқи иттилои котиби матбуотии Раиси шаҳри Душанбе Шавкат Саидов, вобаста ба масъалаҳои иҷлосияи  сеюми Маҷлиси вакилони халқи шаҳри Душанбе даъвати чорум  гурӯҳи корӣ таъсис дода шудааст.