НОРАВШАНӢ ДАР ИСТЕҲСОЛИ МАҲСУЛОТИ САНОАТӢ

          Душанбе, 21 сентябр. (АМИТ «Ховар», Лаззат Диловарзод).- Бино ба маълумоти Кумитаи омори назди Президенти ҷумҳурӣ, ҳаҷми истеҳсоли маҳсулоти   саноати сабук дар 8 моҳи соли ҷорӣ 266,3 млн. сомониро ташкил дод, ки нисбат ба ҳамин давраи соли 2009 4, 9 фоиз кам аст. Дар ин муддат истеҳсоли корхонаҳои саноати пахтатозакунӣ 87,3 фоиз, газворҳои пахтагин 93,3, абрешим – 95 ва кешбофӣ 98,4 фоиз кам шудааст.             Дар айни замон, корхонаҳои саноати  дӯзандагӣ дар ҳаҷми 146,6 фоиз истеҳсоли маҳсулотро  зиёд карданд.             Аз 146 корхонаи соҳа 48,6 фоизашон  истеҳсоли маҳсулотро  нисбат ба сатҳи моҳҳои январ – августи соли 2009 зиёд намуданд.             Тибқи маълумоти ҳамин манбаъ,  бо вуҷуди саривақт додани барқ ва  таъмини саноат бо ашёи хом  истеҳсоли нахи пахта дар 8 моҳи соли ҷорӣ нисбат ба ҳамин давраи соли гузашта 32 фоиз, чигит-54,6, калобаи пахтагин- 63,8, газвори пахтагин   61,4 фоиз кам шудааст, ки сабаби он то имрӯз норавшан аст.