ОМОДАГӢ БА ЗИМИСТОН

              Бадахшон, 3 сентябр. (АМИТ «Ховар», Л. Додо).-Моҳи апрели соли 2010 Ќарори Ҳукумати  Ҷумҳурӣ «Дар бораи сари вақт омода намудани соҳаҳои иқтисодиёт ва иҷтимоиёти љумҳурӣ барои фаъолияти мунтазам ва самарабахш дар давраи тирамоҳ ва зимистони  солҳои  2010 -2011 ба тасвиб расид . Ба хотири иҷрои ин қарор бо  сардори  Раёсати   иқтисод ва савдои ВМКБ Латиф Шоҳзодаев  ҳамсўҳбат шудем.           Аксарияти идораву муассисањои  вилоят  ба зимистони соли ҷорӣ хуб омодаанд,-гуфт Латиф Шоҳзодаев.  Барои ташкилоту  муассисаҳои  буҷетии   маҳаллӣ  барои   харидани ангиштсангу ҳезум 71 89, ҳазор сомонӣ  маблаѓ пешбинї  шудааст , ки ин нисбат ба соли 2009 48 ҳазор сомонӣ зиёдтар аст. Дар муассисаҳои томактабӣ ва интернатҳои наздимактабӣ  4 тонна орд, 3 тонна равған, 3,6 тонна биринҷ, 500 кг шири хушк , 1300кг марҷумак ва  дигар мањсулот  захира карда шудааст. Дар муассисаҳои тандурустӣ 130 тонна ангиштсанг,  280 метри мукааб ҳезум  захира  шудааст . Дар НБО-и «Помир-1» се дастгоҳ  пурра фаъолият  мекунанд. Дастгоҳҳои НБО-и Оқсу, Сипонҷ  ва Шуҷанд дар ҳолати хуби  корӣ қарор доранд. НБО-и Савноб ва Намадгут аз таъмири асосӣ бароварда шудаанд. Ҷамъияти  матлуботи вилоят 15 тонна пиёз, 40т тонна орд, 17 тонна биринҷ, 6 тонна равғани растанӣ, 8 тонна шакарро    вориди мағозаҳо   гардонид.   Тањрири Н. Ќодирова