САДАМАИ НАҚЛИЁТИИ МАРГОВАР ДАР НОҲИЯИ БОХТАР

Душанбе, 14 сентябр. (АМИТ «Ховар», Жасмин Назарова). –13 сентябр ронандаи автомашинаи тамғаи «Хундай-Старекс» Аюбов Асадулло (соли таваллудаш 1974) истиқоматкунанди ноҳияи Восеъ, соҳибкор, ҳангоми ҳаракат аз тарафи ноҳияи Данғара ба самти шаҳри Қӯрғонтеппа, аз ӯҳдаи идораи воситаи нақлиёт набаромада, ба автомашинаи тамғаи «Опел-Вектра» таҳти идораи Бегматов Рӯзибой (соли таваллудаш 1951) истиқоматкунандаи ноҳияи Ҷилликул, бархӯрда, ба тарафи чапи роҳ чапа мешаванд. Дар натиҷа ронандаи «Опел-Вектра» ва мусофиронаш Бегматов Маҳмадгурез (соли таваллудаш 1992) ва Ҳайитова Давлатбӣ (соли таваллудаш 1978) ҷароҳати ҷисмонӣ бардошта дар беморхона бистарӣ шудаанд. Бегматов М. аз гирифтани ҷароҳати вазнин дар беморхона ба ҳалокат мерасад. Инчунин, ронандаи «Хундай-Старекс» Худойназари А., ҷароҳати ҷисмонӣ бардошта дар беморхона бистарӣ шудааст.