ТИФЛИ НАВЗОД ДАР «СОМОН-ЭЙР»
Душанбе, 14 сентябр. (АМИТ «Ховар», Лутфия Эшонқулова). – 10 сентябри соли 2010 дар дохили ҳавопаймои ширкати «Сомон-Эйр», ки аз самти Маскав ба Душанбе парвоз мекард, тифл ба дунё омад.
Тавре аз маркази матбуоти ширкати мазкур ба хабарнигори АМИТ «Ховар» хабар доданд, як соат пеш аз фурӯд омадани ҳавопаймо мусофири 29 сола Мастибегим Ғуломюсупова, аз дарди шикам шикоят намуд. Танҳо баъди азназаргузаронии стюардессаҳо Александра Колчанова ва Мадина Эшонқулова, маълум гардид, ки М. Ғуломюсупова дар моҳи охирини ҳомиладорӣ қарор дорад.
Хушбахтона, миёни мусофирон момодоя Саодат Каримова низ будааст, ки кӯмаки худро ба бемор фавран расонид.
«Бо шарофати кӯмаки мутахассиси касбӣ ҷараёни таваллуд зуд ва бомуваффақият анҷом ёфт. Айни замон аҳволи модару писар хуб аст. Пас аз фурӯд омадани ҳавопаймо дарҳол онҳоро ба таваллудхонаи № -1-и пойтахт фиристоданд. Чунин ҳодиса дар дохили ҳавопаймои «Сомон-Эйр» бори аввал ба қайд гирифта шуд» -хабар доданд аз маркази матбуоти ширкати «Сомон-Эйр».
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
Имрӯз дар якчанд вазорату идора нишасти матбуотӣ баргузор мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
