ТАҲДИДИ ҒОРАТГАРОН БО КОРД

Душанбе, 26 октябр. (АМИТ «Ховар», Мавҷуда Анварӣ).-Аризаи шаҳрванд Шарофат Аброева, соли таваллудаш 1941, истиқоматкунандаи ҷамоати деҳоти Чоряккорон, деҳаи  Испечак, бекор ба ШК-и ноҳияи Рӯдакӣ ворид гардид, ки шаби 22 ба 23 октябри соли ҷорӣ соати 02.00 шахсони номаълуми ниқобпӯш ба хонаи истиқоматиаш даромада, дасту пояшро баста, лату кӯб карда, ба воситаи корд таҳдид намуда, 6000 доллари ИМА ва 3500 сомонӣ пули нақди ӯро гирифта ғайб задаанд. Барои муайян ва дастгир кардани ҷинояткорон парванда боз шуда, тафтиш идома дорад. Дар ин бора Маҳмадулло Асадуллоев-сардори маркази матбуоти ВКД ба хабарнигори АМИТ «Ховар» хабар дод.