ҚУЛЛАҲОИ НАВИ САНЪАТИ ҶОНИБЕК МУРОДОВ

Душанбе, 29 ноябр. (АМИТ «Ховар», Мавзуна Бойева) -Муваффақияти ҳайратангези истеъдоди сарояндаи машҳур Ҷонибек Муродов, бешубҳа, на танҳо суръаташро паст намекунад, балки рӯз то ба рӯз меафзояд. Ҷонибек Муродов қуллаҳои баланди санъатро фатҳ менамояд, акнун таронаҳои ӯро метавон дар Федератсияи Русия ва Молдовиа дастрас намуд. Дар албоми навбатӣ "Ман на манам, на ман манам", ки 9 сентябри соли 2010 ба шарафи Рӯзи Истиқлолияти Ҷумҳурии Тоҷикистон нашр гардид, дастоварди ситора — ҷои пешсаф аз рӯи иштирок дар хит-парадҳои Осиёи Марказӣ акс кунонида шуд. Ширкати "JM" бо маркази продюсерии "Союз" шартномаи 3-соларо имзо намуд, ки ҳамаи ҳуқуқҳо ба таснифоти калидноки мусиқии муаллиф ва сароянда JONI BEK дар мамлакатҳои Аврупо ва Федератсияи Русия ба ҶДММ "Студия Союз" тааллуқ доранд. Сурудҳои сарояндаи ҷавони тоҷик Ҷонибек Муродовро ҳамакнун ҳаводоронаш метавонанд, аз тамоми нуқтаҳои фиттафурӯшии кишварҳои собиқи Шӯравӣ дастрас намоянд.