ҲАМКОРИИ ИННОВАТСИОНИИ ИДМ
Душанбе, 18 ноябр. (АМИТ «Ховар», Бекназари Абӯбакр). — Агентии федеролии Россия оид ба Иттиҳоди Давлатҳои Мустақил лоиҳаи барномаи байнидавлатии мақсадноки ҳамкории инноватсиониро барои кишварҳои аъзои ИДМ то соли 2020 омода намуд. Мутобиқи ин санади 300 саҳифагӣ, барнома тақвияти рақобатпазирии иқтисодиёти кишварҳои муштаракулманофеъ ва ташаккули истифодаи самараноки низоми миллии инноватсиониро пешбинӣ менамояд. Дар лоиҳаи барнома вазифаҳои муҳим, аз қабили ташкили фазои байнидавлатие, ки имкониятҳои низоми миллии инноватсиониро муттаҳид намояд, ҳамгироии давлатҳои аъзои ИДМ дар муҳити амиқи илмию техникӣ, инноватсионӣ ва таълимӣ, рушди инфрасохтори фаъолияти инноватсионӣ ва омодакунии кадрҳо ифода ёфтаанд. Ҳаҷми умумии маблағгузории барнома 100-180 миллиард доллар баҳогузорӣ мешавад. Саҳми умумии буҷетҳои миллӣ барои татбиқи он тахминан 5-10 фоизи хароҷоти умумии дохилиро барои таҳқиқот ва коркард дар кишварҳои иштирокчӣ дар бар хоҳад гирифт. Дар назар аст, ки барномаи мазкур дар мулоқоти сарвазирони ИДМ дар шаҳри Санкт-Петербург мавриди баррасӣ қарор гирифта, тасдиқи ниҳоии он дар баҳори соли оянда сурат мегирад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
