ҲАВОИ ГАРМУ БЕБОРИШИ РӮЗҲОИ ИД

Душанбе, 4 ноябр. (АМИТ «Ховар», Кристина Эрлих). – Рӯзҳои 6,7 ва   8 ноябри соли  ҷорӣ, ки дар ҷумҳурӣ ҳамчун рӯзҳои иду истироҳат  эълон шудаанд, дар  кишвар ҳавои  софу бебориш ва гарм дар назар дошта шудааст.  Ҳамзамон, рӯзи 5 ноябр каме сард шудани ҳаво дар назар дошта шуда, дар пойтахт ва минтақаҳои шимолии мамлакат мумкин аст борон борад. Дар ин бора ба хабарнигори АМИТ «Ховар» сардори маркази ҳавошиносии Муассисаи давлатии бодуҳавосанҷии ҷумҳурӣ Ҷамила Байдуллоева хабар дод.  Пагоҳ, 5 ноябр ҳарорати ҳаво дар вилояти Суғд 10 дараҷа гарм, дар вилояти Хатлон 12 дараҷа,дар ноҳияҳои тобеи марказ 12 дараҷа гарм , дар ғарби ВМКБ то 8 дараҷа ва дар қисмати шарқи он то 5 дараҷа гарм мешавад. Дар Душанбе   ҳарорати ҳаво то 14 дараҷа гарм мешавад.