МАҲСУЛОТИ АРЗОН ДАР РОҒУН

Душанбе, 4 ноябр. (АМИТ «Ховар», Дилшодаи Ҷонмард).- Вазорати кишоварзии Ҷумҳурии Тоҷикистон бахшида ба ҷашни 16-умин солгарди Конститутсия (Сарқонун)-и Ҷумҳурии Тоҷикистон, санаи 4 ноябри соли ҷорӣ дар шаҳри Роғун  ярмарка- фурӯши маҳсулоти кишоварзиро  баргузор  намуд.     Дар ярмарка  хоҷагиҳои кишоварзии  ноҳияҳои Файзобод, Рашт, Ҷиргатол, Тавилдара, Корхонаҳои воҳиди давлатии «Саноати паррандапарварии Тоҷикистон» ва КВД «Моҳии Тоҷикистон» маҳсулоти зиёди  кишоварзӣ, аз ҷумла гӯшт 2,8 тонна, равған 200 кг, тухм- 42 ҳазор дона, асал  1,7 тонна, картошка 19 тонна, биринҷ 2,7 тонна, моҳӣ 450 кг ва зиёда аз 20 тонна меваю сабзавоти  гуногунро бо нархҳои 20-30 фоиз нисбат ба бозор арзонтар  пешкаши харидорон гардониданд.