МУАРРИФИИ СИСТЕМАИ МОНИТОРИНГ ВА ОГОҲКУНӢ
Душанбе, 18 ноябр. (АМИТ «Ховар», Бекназари Абӯбакр). — Имрӯз дар шаҳри Душанбе муаррифии системаи мониторинг ва огоҳкунӣ дар Тоҷикистон баргузор гардид, ки дар он вазири рушди иқтисод ва савдои Ҷумҳурии Тоҷикистон Фаррух Ҳамралиев ва директори кишварии Барномаи Рушди СММ Ростислав Врбенски иштирок ва суханронӣ намуданд. Ф.Ҳамралиев ва Р.Врбенски бо мақсади анҷом додани корҳои омодагӣ барои таҳия ва татбиқи минбаъдаи Лоиҳаи системаи мониторинг ва огоҳкунии қаблӣ дар Тоҷикистон Ёддошти ҳусни тафоҳум байни Вазорати рушди иқтисод ва савдои Тоҷикистон ва Барномаи Рушди СММ-ро ба имзо расониданд. Мақсади асосии Ёддошти ҳусни тафоҳум аз он иборат аст, ки сохтори ҳамкориҳо ва мусоидати фаъолияти муштараки ҷонибҳо ҷиҳати бунёди иқтидорҳо дар бахши системаи мониторинг ва огоҳкунии қаблӣ муайян гардад. Сипас, аз ҷониби коршиносон системаи мониторинг ва огоҳкунӣ дар Тоҷикистон муаррифӣ шуд. Зикр гардид, ки татбиқу истифодаи системаи мазкур воқеан барои ҷумҳурӣ як механизми самаранок ҷиҳати таъмини идоракунии ҳолати фаврии иқтисодию иҷтимоии кишвар маҳсуб мегардад ва барои қабули қарорҳои таъҷилӣ мусоидат менамояд. Мувофиқи қарору дастурҳои Ҳукумати Ҷумҳурии Тоҷикистон системаи мониторинг ва огоҳкунии қаблӣ дар ҳамкорӣ бо вазорату идораҳои дахлдор ва шарикони рушд таҳти ҳамоҳангсозии бевоситаи Вазорати рушди иқтисод ва савдо амалӣ мегардад.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
