ОВОЗИ «ТИЛЛОӢ» — И ШАҲНОЗА

Ҳисор, 4  ноябр. (АМИТ «Ховар», Ҳотам Рабиев).- Хонандаи  синфи  8 –уми  мактаби  таҳсилоти ҳамагонии  рақами 6 – и  ноҳияи  Ҳисор  ба  номи  Ҳабибулло  Назаров  Шаҳнозаи  Иброҳим   бо  силсилаи  сурудҳо  дар  озмуни  ҷумҳуриявии «Овози тиллоӣ», ки  аз тарафи  телевизиони кӯдакону  наврасон «Баҳористон»  эълон  шуда буд,  дар  чанд   давр  иштирок  карда,   барои иҷрои   суруди  «То  боди  саборо…» ба  гирифтани  ҷойи  аввал  ва унвони  «Овози  тиллоӣ»  мушарраф  гардид.  Ба  Шаҳнозаи  Иброҳим  мукофоти  Ҳукумати  Ҷумҳурии  Тоҷикистон,  тӯҳфаҳои  «Тоҷиксодиротбонк», ширкати  «Тсел» ва диплому  ифтихорномаҳои  телевизиони  «Баҳористон»  супорида  шуд. Шаҳнозаи  Иброҳим дар  ҳақиқат  истеъдоди  нодир  ва ояндаи  дурахшон  дорад —  гуфт  ба  хабарнигори  АМИТ «Ховар» ҳунарпешаи  машҳури  ҷумҳурӣ,  раиси  ҳайати  ҳакамони  озмуни   мазкур Ҳаётой  Мӯъминова.