САРҚОНУН МУҚАДДАСОТИ МИЛЛӢ

Душанбе,  4 ноябр. ( АМИТ «Ховар»,  Сангзода  Муслиҳиддин ).-  Имрӯз  дар  Донишкадаи  иқтисодии  Тоҷикистон   конфронси     илмӣ-  назариявӣ    бахшида  ба  16-умин    солгарди  қабули    Сарқонуни   Ҷумҳурии   Тоҷикистон    дар   мавзӯи   «Тоҷикистони   соҳибистиқлол:  таърих,  таҷриба,  ва   оянда»   баргузор   гардид.   Дар конфронси   илмӣ  профессор   Низомҷон Нидоев  дар мавриди Сарқонун ва муқаддасот ҳарф зада,  зикр  намуд,  ки   ҳар  як   давлат   дорои   муқадасоти  миллии  худ  мебошад,  аз  ҷумла  миллати  тоҷик.         Баъдан   устодони  Донишкада   роҷеъ  ба  Сарқонуни ҶТ  ва бобҳои алоҳидаи  он баромад   намуданд.  Инчунин, зимни нишасти мазкур    саволу  ҷавоби  донишҷӯён    бо  устодон   сурат гирифт.               Конфронси  илмиро   ноиби  ректор  оид  ба  илм  Ҷонмамадов  Ш. Б.   ҷамъбаст   намуда  гуфт, ки      барои  боз  ҳам  баланд бардоштани  савияи  дониши  донишҷӯён гузаронидани ин  гуна  чорабиниҳо  ба манфиати кор аст.