ВАЗИР ЗИДДИ АНДОЗБАНДИИ ҲАЙВОНОТИ ХОНАГӢ

      Душанбе, 15 ноябр. (АМИТ «Ховар», Лаззат Диловарзод).- Вазири молияи Ҷумҳурии Тоҷикистон Сафаралӣ Наҷмиддинов, Барномаи рушди чорводориро ҳангоми қабули буҷет барои соли 2010  дар ҶТ тарафдорӣ намуд,- гуфт сардори Раёсати чорводории Вазорати  кишоварзии ҷумҳурӣ Музаффар Мирзоев.  Вазир ҳангоми  қабули буҷет таклифи вакилонро дар бораи андозбандӣ аз ҳайвоноти хонагӣ рад намуд ва   бо далелҳои мӯътамад изҳор дошт, ки дар давраи ҷанги шаҳрвандӣ саршумори ҳайвонот хеле кам шуд. Бо мақсади рушди соҳаи чорводорӣ Ҳукумати ҷумҳурӣ андозбандии ҳайвоноти хонагиро бекор кард ва он натиҷаи хуб дод.             Ҳоло   дар хоҷагиҳои давлатию шахсии  ҷумҳурӣ 4,5 млн. сар чорвои хурд ва беш аз 2 млн. сар ҳайвоноти калони шохдор парвариш меёбанд, ки  ин дар таъмини аҳолӣ  бо маҳсулоти шириву гӯштӣ  мусоидат менамояд.