ҲАНӮЗ ҲАМ ТАНЗИМ ПУРРА НЕСТ

Файзобод,  14 декабр. (АМИТ «Ховар»,  Зебо  Давлатова). –   Ҳафтаи  охир  дар тамоми  ташкилоту  корхонаҳо, ҷамоату  деҳоти ноҳияи Файзобод вохӯрии раиси  ноҳия Абдулло Ҳакимов  бо    меҳнаткашон бобати иҷрои дастуру супоришҳои Президенти кишвар Эмомалӣ  Раҳмон  дар  мавриди  риояи танзими  расму  оинҳо аз  ҷониби  аҳолӣ   баргузор гардид.            Имрӯз, 14 декабр  чунин  вохӯрӣ  бо  иштироки  раиси  ноҳия ва   фаъолзанон дар  Қасри фарҳанг  доир гардид. Раиси ноҳия аз  дастовардҳои  меҳнатии  занони  фаъол   ёдовар шуда, инчунин оид ба камбудию  норасоиҳо сухан  гуфт. Ӯ иброз  намуд, ки ҳоло  ҳам  дар  бисёр  маҳаллаҳо  дар  риояи  танзими  расму  оинҳо  қонуншиканӣ ҷой  дорад. Камхарҷу  каммасраф гузаронидани  тӯю маъракаҳо   кори  як-ду нафар   набуда, бояд  мо  якҷоя  ин  камбудиҳоро  бартараф  намоем ва ба исрофкорӣ роҳ надиҳем.              Дар охир раиси ноҳия Абдулло  Ҳакимов  афзуд, ки мо ҳама дар якҷоягӣ бояд    ин  исрофкориҳоро  аз байн  бардорем ва расму оинро дар доираи қонун ба танзим дарорем.